“SOCAR Polymer” loqosu milli paralimpiyaçılarımızın formalarında

İyul ayında “SOCAR Polymer” şirkəti milli paralimpiyaçılarımız üçün 160 forma alınmasına sponsorluq etdi. Korporativ loqo formaların ön və arxa tərəflərində əks edilib. Formalar paralimpiya atletlərimiz tərəfindən ən azından qarşıdakı 4 il ərzində Avropa və Dünya Çempionatları da daxil olmaqla müntəzəm olaraq geyiniləcək.

Formaların ictimaiyyətə ilk təqdimatı AR Paralimpiya Komitəsinin 6 avqust tarixində Tokio 2020 XVI Yay Paralimpiya Oyunları mövzusunda keçirdiyi mətbuat konfransının sonunda baş tutdu. Bu paralimpiyada 6 idman növündə, 47 kateqoriyada 36 Azərbaycan idmançısı (24 qadın və 12 kişi) iştirak edəcək. Milli Paralimpiya Komitəsinin prezidenti İlqar Rəhimov Azərbaycanın Paralimpiya Oyunlarında 7-ci dəfə təmsil olunacağını qeyd etdi. İndiyədək Azərbaycanın ən gəncinin 17, ən yaşlısının 59 yaşı olan 85 para-atleti 9-u qızıl, 18-i gümüş və 11-i bürünc olmaqla 38 medal qazanıb. Azərbaycanda yeddiqat paralimpiya çempionu var. Onlardan ikisi ikiqat çempiondur.